الدنيا ما تسوى

الدنيا ماتسوى
ياعمري الدنيا ماتسوى تنام وخاطرك زعلان
ولابه شي يستاهل يخلي قلبك يعااني

طلبتك كان لي خاطر... تبعد عنك الاحزان
فديت عيوونك الحلووه تبسم لو على شااني

حبيبي صار لي مده اشوفك تايه وحيران
وانا والله لاشفتك حزين .. تزود احزاني

اناا احبك ولاودي تعيش بدنيتك ندمان
ترى الايام محسوبه وتالي العمر ذا فاني

تصدق بسمتك والله تفرح خاطري الولهان
يصير من الفرح قلبي يصير بعالم ثاني

والى من شفتك بضيقه احس اني انا الغلطان
اعاتب نفسي بنفسي ولو ماكنت انا الجاني

غلاك بداخل عروقي ولايوصل غلاك انساان
يمر الوقت واثبت لك غلاك ان الله احياني

بضحي بعمري لعيونك تنام انت وانا سهران
وانادي جروحك لقلبي وتجي واحد ورى الثاني

ا
{ال.....م}هداااااااااااء

هههههههههههههههههه
مشكوره اختي البروفيسوره على الرد الرائع
ودمتي ذخر للمنتدى
ويعلني هب خالي منكم
ولا من اعضاء المنتدى

سملت ايدينك على اروع قصيده واجمل وارق كلمات سمعتها
وييه البرفسورة وش فيكي خليه يهديها للي يبيه هههههههههه

سملت يمناك والله يجعلني اشوف كل جديد وابداع منك

مشكور الشيخ سيمو على مرورك الاكثر من رائع
وتسلم وعساااااااك ذخر بعافيه للمنتدى
وانا اشهد ان البروفيسوره ضوت ليلت العيد
هههههههههههههههههههههههه

لا تحسب اني دايم الدوم ناسيك
لاواللذي سواك ماقد نسيتك
ازعل وارضى ثم ارجع اراضيك
كن الخطا مني وكني عصيتك
اغليك انا بالحيل وبالحيل شاريك
ومابيك تبعد عن حياتي فديتك
اكذب عليك ان قلت اقدر اخليك
واكذب عليك ان قلت ماقد بكيتك
اغليك يعني دنيتي بين اياديك
والقلب منزالك ترى القلب بيتك
اسكن بوسطه جعل ربي يخليك
ياأول حبيبن في حياتي هويتك

نتريا يديدك
لك مني اجمل التحايا